20 urte joan dira Nico Wayne Toussaint eta Michel Foizon Frantziako hego-mendebaldean elkarrekin jotzen hasi zirenetik; geroago berriro ere elkarrekin jarduteko parada izan zuten hainbat bira eta emanalditan. Azken bi hamarraldietan Europako Blues generoko abeslari eta aho-soinulari onenetako bihurtu da Nico, 10 album kaleratu ditu Estatu Batuetan eta Europan. Nazioarteko Konposizio Lehiaketan eta Bluesaren kategorian txapeldun izanik, ohiko musikaria da Florida Hegoaldean (AEB). Bestalde, Frantzian egin du lan Michelek, lan eta proiektu ugari eraman ditu burura Bluesetik Gospeleraino iristen den esparru zabalean, eta emanaldi asko eskaini ditu estatuan barrena. Beren lehenengo album ofiziala argitaratu berri dute Nicok eta Michelek, Miamin grabatua, Frantzian nahastua eta Euskal Herrian masterizatua
