Irati Bilbao

Irati Bilbao abeslari bikainaren proiektu pertsonala. 2019an sortu zen MUSIKENEn, Euskal Herriko Goi Mailako Musika Ikastegian, ikaskideekin batera, eta urteetan zehar eboluzionatzen joan da musikari berriak sartuz. Jazz klasikoenean sakon errotuta, errepertorioak musika-espektro handia hartzen du. Eragin modernoagoa eta garaikideagoa duten proposamenek, jatorrizko konposizioek eta mimoz moldatutako standard-ek osatzen dute oraina eta iragana lotzen dituen kontzertua. 2020an argitaratu zuen lehen diskoa, “Begin” (Errabal – 2020).