Starblues

Musika talde bat beste askoren artean nabarmentzeko baliagarriak izan daitezke koherentzia, benetakotasuna eta abesti handiak egiteko ohitura. Baina soinu propioa lortzeko eragintza nagusitzat bluesa erabiltzea eta estiloaren kategoriara igotzea arrakasta handia da zalantzarik gabe, bakan batzuentzat bakarrik gordetako arrakasta. Horretara iristeko ezinbesteko osagarriak dira lana,  atrebentzia eta sinismena.

Goierrin, moda eta aldiko joeretatik urrun, sortu zen StarBlues 2010ean, bere proposamena funtsezko bi zutabetan oinarrituz: bluesaren eta rockaren esentziak musikan eta euskararen edertasuna hitzetan, garrantzi berezia emanez letragintzari. 2013an Amets gaizto bat lehen singlea argitaratu zuen, 2016an Gu geu izeneko lehen lan luzea, 2020an Hitz gatibuak sonatua bigarrena. Geroztik, eta eskifaian hainbat aldaketa egin ondoren, Jon Barreros gitarrajole eta abeslaria buru duen banda hau sendotu egin da bere hirugarren lanerako, Mikel Atxega hartuz baxuan (Bazegoen “Hitz gatibuak” diskan), Yon Labayen teklatuetan eta Unai Lopetegi baterian eta perkusioetan. Barrerosen zuzendaritzapean, zirkuituan erreferente bihurtu den taldea dugu Starblues, proposamen original eta jatorrenetako bat bihurtu da panoraman eta, zalantzarik gabe, euskaraz abestutako bluesaren adierazle nagusia.

Fredi Pelaezek Beasaingo Pottoko estudioetan grabatu eta bateratua, Bizi berri baten gezurra lanak aurrekoaren urratsak jarraitzen ditu funtsean, bandak ibilian hartutako eskarmentuaren erantsiarekin eta duela hamar urtetik hona garatzen ari den proiektu bat gauzatzeko jakinduriarekin, bere filosofia propioari eta bluesa ulertzeko oso ohikoa ez den moldaeraren jabe delarik.

Errazkeriarekin zer ikusirik ez daukan lana dugu azken emaitza hau, originala forman eta oso interesgarria edukiari dagokionez. Diskoa Yon Labayenen soinu marretatik dabil pianoan jazz blues kutsua sortuz Bizi berri baten gezurra-n, Arima libre-an erregistroa erabat aldatzeko Carlos Santanaren akordua ekarriz, Jon Barrerosen eskutik  gitarran eta Unai Lopetegirenetik perkusioan. Taldeak ihes egiten dio ortodoxia ugertuari Denboraren zama-ren letra garrantzitsua shuffle erritmoan aterpetuz. Hitz konprometituak dituen blues rockak eta Jon Barrerosek Zirkoa-n gitarrarekin egindako interpretazio sutsuak agerian uzten du taldearen malgutasuna, dela larruazala ferekatzen duen slow bluesaren Bakardadea-n, dela pultsu perfektua mantenduz shuffle Patu Petrala-n.

Nahiz eta abestien egilea taldea izan, letra guztiek Jon Barrerosen sinadura dakarte, Yon Labayenek idatzitako Aintzergako mugarriak izan ezik, New Orleanseko bluesaren tradizio onenaren lurrinean. Funk, Soul eta Bluesa balio erantsiak dira lan honetan, gupidagabe jario Errutinak irentsita lanaren bitartez. Starbluesen hirugarren lana Paper madarikatuak taldearen Blues energetikoak eta erritmo frenetikoak ixten dute.

Bizi berri baten gezurra hamar urte daraman proiektu propio baten erabakiaren, lanaren eta sinismenaren emaitza baino ez da izan. Nekerik gabe igarriko dugu talde honek sinatutako diskoa beste askoren artean. Soinu propioa asmatzen jakin duen taldea estiloa kategoriara igoz, alegia, Starblues estiloa.