21. Zizurkil Blues Gaua

Zizurkilgo  BLUES GAUA 21. ediziora heldu da.  Aurreko bi urteetan –hala beharrez- kanpoan egin badira ere aurten bere jatorrizko formatura bueltatzen da, hau da, tabernetara. Urte guzti hauetan zehar Udalak antolatu eta mantendu nahi izan du gaur egun erreferentea bihurtu den Blues zaleen artean

Horrela, aurrekoetan izandako arrakastaren bidetik otsailaren azken asteburuan musika beltzaren moldeen hotsak  entzuteko parada izango da Europa iparralde, Espainia eta Euskal Herriko musikariekin. Era akustikoan eta elektrikoan. Bakoitzak bere onena eskainiz.  Bertako ostalari eta zaletu batzuen lankidetzarekin, jakina. Beti bezala sarrera doan.

JO BUDDY   Blues-Rocksteady

Finlandiar artista Madrilgo blues eszenako musikari beteranoak lagunduta

Jussi “Jo’ Buddy” Raulamo abeslari, gitarrajole eta konpositore finlandiarrak bere sorterrian azaldutako blues musikari gehienekin jo du, zer esanik ez Estatu Batuetara egindako erromesaldietan: Howard Armstrong, Eddy Clearwater, Maceo Parker, Lazy Lester, Thunderbirds Apartekoak, Junior Watson, Rick Holmstrom, Larry Taylor, Chris Thomas King, Lynwood Slim, Paul Senegal, Jim Kweskin, Doyle Bramhall, Gene Taylor jauna, Doug MacLeod, Lurrie Bell, Diz Watson…

Jimmy Reeden estiloko abestiak dauzka bere errepertorioan, eta batzuetan Hound Dog Taylorren hirukoteak adina zarata ateratzen du. Howlin’ Wolf-en akordua dakarkigu aldizka. Batzuetan Howlin gogorarazten du… Besteak beste, musika sosegatua egiten duela dio bere biografiak eta, egia esan, Jo Buddyrena sosegatutzat jotzen bada, nolakoa ote da musika basatia Finlandian!

Jod Buddyk estilo pertsonala du, berezkoa. Bizi poza transmititzen du musikan, aldi berean dugula gordina, aroaz gaindikoa, lurtarra eta espirituala, dena bat. Gumbo Rattle’N’Roll aberatsa eta pikantea; Ragtime, Swing, New Orleans Rhythm & Blues, Swamp Boogie, Down Home Blues, Boogie Woogie, Jump Blues, Cajun, Zydeco, Gospel, Soul, Hillbilly, Western Swing, Rock ‘N’ Roll, Rockabilly, Ska, Rock Steady, Surf & Garage Rock, Latin Grooves, Heartfelt Ballads… eta baita Afrika mendebaldeko edo flamenko espainiarreko erritmoen oihartzunak ere!

Zuzeneko errepertorio malgu eta moldakor hori jatorrizko abestietan oinarritzen da gehienbat, baina estilo propioarekin, eta Jo ‘Buddyren obra balitz bezala entzuten da, ez beste inorena…”Garai Ederren” miresle baten grazia.

Musikaren errepidean hartutako berrogei urteko esperientziak, hamasei herrialdetan emandako milaka zuzenekoek eta grabaketa saio ugariek bere belaunaldiko rooter talentudun eta nabarmenetako bat bezala perfekzionatu dute. 56 urte dituela, sasoi betean dago jotzen jarraitzeko gaueko klubetan, aretoetan, jaialdietan eta beste edonon. Are you ready?

SUSAN SANTOS  Rock-Blues        Bere disko berria aurkezten

Musikarekiko grinak abesten eta gitarra jotzen bere kasa ikastera eraman zuen Susan Santos. Abesle eta gitarrajole ezkerti honek horrela atera zuen aurrera bere nahi zuen proiektua bere izenpean: power hirukote bat rock, blues, country eta amerikar sustraiko beste musika batzuk uztartuz, abesti propioak eta musika ulertzeko estilo originala lortzeraino.

Urte trinko ugari izan ditu Europan, Mexikon eta Estatu Batuetan birak eginez aretoetan eta klubetan, baita jaialdietan ere, Billy Gibbons bezalako nazioarteko artistekin eszena partekatuz (ZZTop).https://www.youtube.com/watch?v=pyhN7Yr2Eb8

Susanek Best Musician Performance irabazi zuen European Blues Awards sarietan 2018an, eta Best Album Femele 2019an, LA Music Critics Award-en (Los Angeles, Kalifornia) No U Turn lanagatik.

Bost disko argitaratu ditu: Take me home (2010), Shuffle Woman (2012) eta Electric Love (2014), Skin & Bones (2016) eta No U Turn (2019).

Susanen ahots bereziak, gitarrarako duen estilo erakargarriak, agertokian duen presentzia indartsuarekin batera, arrastoa uzten dute blues garaikidearen eszenan. XXI mendeko blues-rocka.

Lider-Woman honek izerdia eragiten dio gitarrari lerro zorrotz eta bihurri, errifs boteretsu, slide dotore, sigi-sagako erritmoetara behartuz, bere lagun boteretsu eta ezin ankerragoak interpretatutako abesti handiek markatzen baitute esparrua.

Susan Santosek 2024ko otsailean Sonora Tour bira berria hasiko du azken diskoa aurkeztuz.

BEHI BI BLUES

Bikoak sorturiko berezko kantuez, eta 50. hamarkadako blues abesti euskaratuez osatutako errepertorioa. Blues akustikoa Deba bailaratik.

Aurrez bestelako ibilbideak eginak ziren bi gaztek bluesaren bidean bat egin dute gitarra, ahotsa eta aho-soinua elkartzen dituen formatu txiki eta erosoan.   Jam saioen filosofiaren jarraitzaile sutsuak dira biak, eta musika lagunekin partekatzea dute helburu. Bluesaren doinu malenkoniatsuari bizitasuna eransten diote , giro aparta eta irri maltzurra sorrarazten dituzten letra labur gogoangarriekin, intentzioz beteta dira kantuak eta, aurreiritzirik gabeak. Azken buruan, gustuko dituzte erritmo eta rockaren bideak .

Sakrilegioa? Egiten badute ere, nahita egina izango da. Gustatzen zaien estiloan murgildu dira, ondo pasatzeko, ikasteko eta euren neurrian eragiteko ere. Gainera, beharbada, serio arituta norbaitek  kontuak eskatuko lizkieke. Hortaz hobe dabiltza horrela, libre.

Kantatzen duten abesti bakoitza istorio bat da, bikotearen historia  ere euskal bluesaren  historia txikia den moduan.

 

 

 

Albisteak