Talde heze hau Mutrikukoa da, kostaldekoa, baina likidoa eta hezetasuna berezkoak ditu, betidanik iraganeko eta gaur egungo estilo askotaz erraztasun handiz ‘bustitzeko’ gai izan delako. Eta haratago joan da, gainera, tendentzia horiek guztiak xurgatu eta bere azal propioa egin duelako, aldi berean gogorra eta xamurra dena.
2007ko neguan, Mutrikuko rock taldeen entsegu lokalak estreinatzearekin bat, sortu zuten The Wet Band. Aurretik beste bi proiektutan heavya eta rock progresiboa lantzen ibilitako Endika gitarra jotzaileak elkarrekin zerbait egin nahian zebiltzan Iñigo baxua eta Aitzol bateria hasi berriak ezagutu zituen. Praktikatzeko eta dibertitzeko, lokalean Led Zeppelin, Metallica, Skunk Anansie, Nirvana eta beste talde batzuk bersioneatzen hasi ziren. Halako baten, abeslari baten premia zutela ohartuta, aurretik talderik izan ez zuen Ainara ezagutu zuten, izugarrizko aurkikuntza bilakatu zena.
Taldea osatutzat eman, kantu propioak idatzi eta kontzertuak egiteaz gain, maketa grabatu zuten. Danbaka musika lehiaketara aurkeztu ziren, eta hainbat fasetan aurrera egin ostean, 2009an Danbaka lehiaketako epaimahaiaren sari nagusia eta ikusleena, biak, irabazi zituzten. Hala, abesti berriak idatzi eta saxoa eta teklatua jotzen dituedn Kerejeta taldekide berriarekin Danbaka lehiaketako saria den lana grabatzera sartu ziren Arrasateko Shot! Grabazio estudiora.
Honela kalean da jada beraien lehen lan luzea “Waterproof”.
Entzun: Good way to know.
mp3
