FasTFatum izenpean Igor Calzada kantuegilearen alter egoa izkutatzen da, Harkaitz Cano idazlearekin hartueman zuzenearekin burututakoa.
Bere lehen lana etxean grabatutakoa da. Hartara, giro domestiko eta homemade kutsua nabaria da, eta musika influentzia anitzen (postrock, alternatibo, indie, folk, powerpop, elektronika, jazz-ek, etab.ek) eragina igarri daiteke. Kantuen instrumentazio guztia (ahotsak, gitarra akustiko, elektriko, bajua, piano, teklatuak, perkusioa, bateria, programazioak eta samplerrak) Igorrek jotzen duena da. Cello eta flauta izanik salbuespen bakarrak.
