Malcolm Scarpa

Malcolm Scarpa, Madrilgo kantariak sortutako bi hauen aurkezpena

¿Qué te debo Jose? liburuaren berargitalena

eta Malcolm meets Scarpa kantu ineditoak jasotzen dituen LP+CD

Kantari lagunek hartuko dute parte.

MALCOLM meets SCARPA izenpean, etxeko grabaketa batzuk LP/CD euskarrietan kaleratu ondoren, agortuta zegoen ¿Qué te debo Jose? liburuaren berrargitalpenak karrikaratuko da. Hilaren 16an aurkeztuko dira Madrilen lagunen, kazetari eta musikarien artean.

 Malcolm Scarpa bikainaren mailako figura musikalki definitzeko orduan sailkaezina izan liteke adjektiborik egokiena. Jadanik joana den garai bat, ia dena posible zen garai bat pertsonifikatzen duen artista delako. Espero ez ziren soinuen aitzindaria, giro kostunbristen margolaria, barnerakoia bezain ironikoa. Gehienok deskubritzeke geneukan jeinu musikala, edozein gertaldiren aurrean beti aske izateko eskubidea baliatzearen aldekoa, moda eta joera arruntetatik urrun, bere musikari, bere arteari, eta batez ere bere mundu ikuskera bereziari leial izateko premisa bakarrarekin.

Malcolm Scarparen ondarea bilduma honen edizioarekin betikotuko da egilea 2022an desagertu ondoren. Arreba Rosak bere garaian Malcolmek etxean kasete formatuan grabatu zuen argitaratu gabeko material eskergaren artean egindako aukeraketa zaindua dugu bilduma hau. Musikari madrildarraren herentzia musikalaren zati txiki bat, zaletuen gozamenerako. Artista aitzindari eta parerik gabeko honek,  hogeitaka argitalpen diskografikoren ondoren, berriro harritzen gaitu bere airostasunarekin eta konposizio ahalmen jenialarekin. Kamaleonikoa eta emankorra gutxik bezala izanik, eragin, estilo eta joeren uholde agortezin batez zipriztinduta dator bere obra. Erreferente gisa eta Ñaco Goñirekin batera, swing, country, jazz, musika klasiko edo kabaretetik igaroz aitzindarietako bat izan zen bluesaren munduan, bere Ray Davies eta Brian Wilson maitatuen eraginpean pop edo psikodelian egin zituen sartu-irten oroigarrietara iristeko.

Albisteak