SANTIAGO AUSERON Belztasunaren oihartzunen kantaria

Azaroan  BLUES HOTSAK jaialdiaren VI. edizioa egingo da Soraluzen (Gipuzkoa). Herriko Antzokiaz gain kalean ere izango dira hainbat aktibitate eta kontzertu. Aurtengoan, besteak beste, Radio Futura taldeko liderra izandakoak hartuko du parte.

—————————

Ez, Santiago Auseronek ez dio deabruari arima saldu musikan trebetasun osoa lortzeko, Robert Johnsonek bidegurutze batean egin bezala, elezaharrak dioenez. Auseronen istorioa xumeagoa dugu: bere etorriari esker, deabruaren motxila hartu behar izan gabe abia daiteke bluesaren bidezidorren hautsan barrena, Karibeko bide eguzkitsuetan eta eragin beltza jaso zuen aberri abestiaren txingarretan.

Auseron zorioneko bereizkuntza dugu Gabonetako izarren unibertsoan, Hispanitatearen musika modernoari zentzua eman zion rockeroa, Johnson bezala bidegurutze batean kokatua, bai, baina ez ordea deabruarekin itun bat sinatzeko, baizik belztasunaren oihartzunek bat egin dezaten abiapuntua markatzeko.

2022an Arte Ederretako Urrezko Domina eman zioten, baina horrek ez dauka garrantzirik. Gitarra bikote, ahots aberatseko kantaria eta instrumentista zehatza gozagarri uztartuak, errepertorio ugaria… Inor gutxik beste horrenbeste.

Auseronek kontzertu bakoitzean berrasmatzen du Auseron. Dylan bezala, kontzertu bakoitzean berritzen da, hor baitago (konposizioak barne, noski) musika borroka guztien muina; abestiaren trazuak bere sortzailearen aurrera datoz mihise zabalduaren gisa soinuaren paisaia berriak konposatzeko, mezu bide berriak irekitzeko. Gehi diezaiogun horri kantariak aurkezten duen pieza bakoitzari ematen dion azpimezua; pelikula bat osatzen dute hitzaldi labur horiek, ipuinaren eta  fikzioaren erdibidean, grazia eta ironia jario.

Bai, entreteniturik gozatuko dugu, New Orleanseko berotasuna piztuz Kubako ekialdeko doinuan, zinema beltzeko soinu bandaren ezpalak jazz haizeak jotzen, boleroak eta rocka ahaztu gabe. Ea Radio Futura-ren piezaren bat entzuten dugun irten aurretik. The Jam-ek esango lukeen bezala, That’s Entertainment.

Berezko etorriari esker, deabruaren motxila hartu behar izan gabe abia daiteke bluesaren bidezidorren hautsan barrena, Karibeko bide eguzkitsuetan eta eragin beltza jaso zuen aberri kantuaren txingarretan. (Javier Losilla. El Periodico de Aragon, 2024-04-14)

Albisteak