Ramón García Trio

Esan liteke denbora behatz artean lerratzen dela eta haien artean eboluzionatzen ari dela irudi bihurri eta malgu bat bezala, oroitzapen eta aukeren Sorgin Argi. Kasik likido ikusezin bat bezala gauden lekuan, garen horretan eta egiten dugunetan isurtzen dela. Agian, nahieran kokatutako puntuen sekuentzia bat besterik ez da,  horien gainean ibiltzen gara, gelditu eta behatu egiten duenarentzat ez besterik ikusgarri.

Ramon Garcia pianojolea tituluduna da Iruñeko Pablo Sarasate Goi Mailako Musika Kontserbatorioan. Ganbera Musikako Goi Mailako Irakaslea eta Pianoko Goi Mailako Irakaslea, Nafarroako Goi Mailako Musika Kontserbatorioan jazz ikasketekin osatu du bere prestakuntza. Bere proiektu propioa -Luces del Norte- zuzentzeaz gain, kolaborazio ugari egin ditu Jade Caravan, Iñaki Rodriguez Quintet, Deborah Carter Quintet, Mikel Andueza, Iñaki Askunze, Jorge Pardo eta Bob Sands artistekin . Pianista eta zuzendaria Pamplona Jazz Orchestra meets Ilja Reijngoud diskorako, nafar honek jarduera artistiko etengabea eta Noaingo Julian Gayarre Musika Eskolako irakasle lana uztartu ditu.

Bakarkako lehen lan honetarako, musikari ezagunenetako bi aukeratu ditu bidelagun agermenerako: Hilario Rodeiro baterian eta Kike Arza kontrabaxuan. Alde batetik, Hilario Rodeiro Pamplona Jazz Orquesta, R.S. Faktor, CiTriC, Bob Sands eta Antonio Serrano bezalako izenen ohiko kolaboratzailea da. Halaber, galiziar hau Hilario Rodeiro Quintet-eko liderra dugu, bereziki Euskal Herrian eta Galizian ospe handia duen proiektu pertsonala. Gaur egun gehien eskatzen den musikarietako bat bihurtu dute hogeita hamar disko baino gehiagotan parte hartzeak eta konpositore zein inprobisatzaile gisa duen jaidurak.

Kike Arzaren ibilbideak Iñaki Salvador, Mikel Andueza, Carme Canela, Alberto Arteta Group edo Ulrich Calvo Quartet bezalako artistekin agertokia partekatzera eraman du, Kike Arza Quintet bere proiektuaren buru izateaz gain. Erreferente gisa hartuta, bere lana jazzaren eta inprobisazioaren esparrutik haratago doa, zinemarako soinu bandetan eta hainbat disko proiektutan parte hartuz.

Timeline Beasaingo Pottoko estudioetan grabatu, bateratu eta masterizatu zuen Fredi Pelaezek. Estetika klasikoa proposatzen digu Timelinek, trio formatuan garatutako manufaktura bikaineko jazz bizi eta organikoa. Emozio eta inprobisazio dosi handiko diskoa da, eta pianista nafarrak idatzitako konposizioen katalogo ederraren bidez, gogoangarria egiten da entzuteak aurrera egin ahala. Prelude distiratsu eta itxaropentsua, Strokeren izaera intimoa Lost timeren uhin dinamikoetara iritsi arte, Timelinek Bill Evans, Oscar Peterson edo Keith Jarrett bezalako pertsonaietara hurbiltzen gaituen soinu planteamendua du, Empty room-en pasarte ederretan barrena ibili eta Morning Lullaby gozoan emeki kulunkatzen gaituena. Ramon Garciak asmatu eta Kike Arzak eta Hilario Rodeirok maisuki lagundutako kolore paleta askotarikoa Little star filmaren zapore brasildarrarekin eta The source-ren dotorezia eta dinamismoarekin betetzen da Manha de Carnaval lanarekin amaitzeko, Luiz Bonfa gitarjole eta konpositore brasildarrak konposatutako kantuaren egokitzapena eta Empty room rekin aldikal egindako aldaketa.

Timeline musikaren kronika bikain eta intimoa da, jazz klasikoaren ardatzaren eta Ramon Garcia Lara bezalako musikari sortzaile ahalmenaren artean mugitzen dena.  Bere konposizioen bidez artistaren barne ahotsak une ezabagaitzak erakusten ditu, oroimenean aztarna iraunkor gisa geratzen diren uneak, bizitzaren joanaren ezinbestean markatutako aztarnak. Geldi eta adi jarri nahi duenarentzat.