TXUMA MURUGARRENen B aldeko kantuak

Ezkutuan geldituriko abestiak izan ohi dira B aldeko kantuak, diskoetan agertzeko aukeratuen multzo pribilejiatuan sartzea lortu ez dutenak eta, kasurik onenean, abesti arrakastatsuen singleak osatzeko erabiliko direnak. Gehienetan ordea, “atzeko gelaxkan gordeta” geratzea da haien patua, tiraderan alegia, harik eta norbaitek ahanzturatik erreskatatzea eta bitxikerien disko batean argitaratzea erabakitzen duen arte. Horregatik beharbada, xarma berezia dute B aldeko kantuek musika zale askorentzat, Txuma Murugarren horien artean. Horrela azaldu du diskoari izenburu hori jartzeko arrazoia: “Diskoa egiteko orduan, 60-70eko hamarkadetako singleak izan ditut buruan. B aldeak beti gustatu izan zaizkit gehiago A aldeak baino, hit baten arrakastaren azpian ahaztuta gelditzen diren kantu minberati eta ahulak, horiek maite nituen gehien, eta uste dut bide horretatik joan direla nire kantuak, B aldeko kantu arrakasta gabe horiekin zerikusi handia daukate”. 

Albisteak