Bere talentu artistiko nabarmenaz gain, Victor Aneirosen ibilbide musikalaren bereizgarririk bada, eman duen pauso bakoitza bideratzerakoan izan duen erabakitasuna eta koherentzia dugu. Zortzi disko argitaratu eta ehunka emanaldi egin du han-hemen. Gitarrajole eta konpositore galiziar honek bidezko eskubidez lortu du erreferentziazko figura gisa goraipatua izatea, bere ibilbideari kutsu berezia emanez, eta ibilbide horren goreneko mailara iritsi da Rain proiektu berri hau martxan jartzearekin Paula Martins abeslaria alboan duela. Martins oholtzara agermen ikaragarriz datorren artista dugu, ahots malgutasun aparta dauka eta Big Bottom Band bezalako proiektuetan aritu zaigu luzaz. Aneirosen ohiko kolaboratzailea 2008az geroztik –Héroe Secreto diskoan Unha noite na eira do trigo galiziar emigrazioari egindako ereserkiaren bertsioa egin zuenetik alegia.
RAIN disko hau osatzeko Marcos Sanchez (bateria), Fran Rey (teklatuak), Victor Gacio (baxua) eta Alejandro Masafret (baxua) batu dira. Victor Gaciok grabatua Bajo Cero estudioan, Rainek oso ekoizpen zaindua du Aneirosen ardurari esker, eta estilo honetan eska daitekeen espiritu organiko eta zuzena ematen dio grabaketari. Disko honetan ezin hobeto azaltzen dira Martins/Aneiros tandemak sinatutako konposizioak eta baita beste artista batzuen bertsioak ere, blues garaikidearen esparruan Soul, Funk edo Rocketik ibiliz Boring gentleman lehen gortetik, Bluesa eta Rockaren erdibidean eta funk erritmoan Mike Wheeler Chicagoko abeslari, gitarrista eta konpositorearen I can’t do that erberrituz. Tenpo erdiko Rain eta You are a liar, biek ere Victor Gacio baxuan dutela, bikotearen sinadura dakarte Etta Jamesen espiritu energetikoa Blues is my business klasikoan txertatuz. Martins Aneiros Bandek konposizio oreka perfektua aurkitu du Healthy lifestyle piezan, Fran Rey teklatuekin eta Victor Aneirosen gitarrarekin paregabeko. Martinsek proposatutako ahotsaren bermeak eta Marcos Sanchezek bateriari eta Alejandro Masafretek baxuari egindako eraso erritmiko akatsgabeak beste dimentsio batera igotzen dute Jump Blues Hey Bartender taldearen esentzia zaharra. Just to love-k soinu propioa eta pertsonala aldarrikatzen duen proiektu baten kontzeptu orokorra pertsonifikatzen du neurri handi batean. Lan honek bere ildoetan zehar zabaltzen dituen eragin eta ezusteko atseginen katalogoa Cropper/Floyd-ek konposaturiko Knock on wood-ekin eta Rick Estrin harmonizista iparramerikarraren Don ‘t put your hands on me abestian gauzatzen da.
Rain benetako logikatik asmatutako lana da, blues, soul, rock edo funk estiloak erabiliz. Martins Aneiros Band doinua berez dakarten musikariek osatutako taldea da, koherentea, arrakasta beti nor bera izatean datzala dakiten horietakoena.
